Bagong girl group ng Eat Bulaga malakas ang dating

PUSH NA’YAN
ni Ambet Nabus

UY, bongga ang bagong girl group ng EAT Bulaga ngayon.

Ito nga ang BPop Idols (bulaga idols) na binubuo nina Isabel, Barbie, Audrey, Jade, Swaggy, at Joanna.

Nag-a-undergo sila ngayon ng extensive training on dancing, acting, hosting personality development at iba pang skills under the management of Soraya Jalosjos na siya ring nagpapatakbo ng TAPE Inc. Talent Management group.

Mataas ang kompiyanda ni Soraya na soon ay magkakaroon ng malakas na following ang BPop Idols na siyempre pa ay naging inspirasyon nga ang mga K-Pop groups at iba pang girl group na puhunan ang pagkanta at pagsasayaw aside from their looks and personality.

Pinapirma sila ng five year contract ng TAPE Inc at kasama sa kontrata ang pagiging mga regular co-host nila sa EB. 

Bongga nga naman na mayroon nang matatawag na homegrown talents/artists ang TAPE Inc dahil sey nga nina Cong, Jonjon Jalosjos, Soraya at mga kapatid, “we are here to stay.”

Nasaksihan namin ang naturang contract signing sa TAPE Inc. office sa imbitasyon ni Atty. Maggie Garduque.