HATAW! D'yaryo ng Bayan hatawtabloid.com
PUSH NA’YAN
ni Ambet Nabus
SOBRA kaming grateful kay Roselle Monteverde ng Regal Entertainment dahil ito pa mismo ang kumontak sa amin para imbitahan sa mediacon ng Shake Rattle and Roll EXTREME.
“Welcome back,” sey pa nito sa amin dahil after pandemic nga ay noon lang kami uli nakatuntong sa bakuran ng Regal at nakahuntahan ang mga kaibigan natin.
Hindi na iniisip ni Roselle ang hindi nila pagkakasali sa Metro Manila Film Festival na naging tahanan na ng mahigit isang dosenang Shake, Rattle and Roll movies.
Kaya naman sa November 29 na nila ito ipalalabas na magandang buena mano kumbaga sa holiday season lalo pa nga’t kilalang-kilala na ito ng mga manonood.
Ang mga bida sa tatlong episodes ng SRR Extreme ay sina Iza Calzado, Jae Oineza, Jane de Leon, RK Bagatsing, Paul Salas, Paolo Gumabao, AC Bonifacio, Donna Cariaga, Rob Gomez, Angel Guardian, at napakarami pang iba.
Ang tatlong extreme episodes ay ang GLITCH, RAGE, at MUKBANG. Tara na sa mga sinehan ngayong Nov. 29.
