HATAW! D'yaryo ng Bayan hatawtabloid.com
PUSH NA’YAN
ni Ambet Nabus
KAHIT magtatapos na in three weeks ang The Iron Heart na bida-kontrabida si Jake Cuenca, hindi naman mababakante sa trabaho ang mahusay na aktor.
Magkakaroon kasi ng another season ang Jack and Jill sitcom nito sa TV5 na kasama niya si Sue Ramirez.
At hindi lang iyan ha, balitang mukhang tatanggapin na rin niya ang Pinoy adaptation ng isang kilalang Korean series.
Matagal na naming nababalitaan na noon pa inaawitan ng Viu at ABS-CBN si Jake para sa adaptation ng sikat na Korean series pero dahil sa hindi nga ito nababakante sa trabaho, hinintay talaga nila itong may matapos na show.
At sa pagtatapos nga ng The Iron Heart, isa na namang bonggang trabaho ang gagawin ni Jake, this time, with a new challenging role para isang Korean series na lab na labs ng mga Pinoy.
