HATAW! D'yaryo ng Bayan hatawtabloid.com
PUSH NA’YAN
ni Ambet Nabus
ILULUNSAD ang tandem nina Jerome Ponce at Krissha Viaje sa Safe Skies Archer ng Viva One Original.
Marahil ay the who si Krissha para sa ilan pero siya ang perfect leading lady na nakitaan ng kakaibang kemistri ni direk Chino Santos para kay Jerome.
“May something sa mga mata nila during our chemistry test. Mahalaga sa akin ‘yung mga mata. Nagku-complement sila ni Jerome and I think, mayroon na naman uling hahangaan na tandem ang University series ng Viva TV,” sey ni direk Chino.
“Hindi ko rin alam kung bakit ako. And since nandito na ito, all I can do is to make the most of it at sundin ang payo ng mga nauna na, na to trust each other and enjoy it,” sagot naman ni Jerome kung bakit siya ang naging lead role sa series.
Kasama pa rin sa series sina Marco Gallo at Heaven Peralejo na una na ngang naging sikat na tandem sa The Rain in Espana, na nagsimula ang webpad university series ng Viva television.
