HATAW! D'yaryo ng Bayan hatawtabloid.com
PUSH NA’YAN
ni Ambet Nabus
MAY bago na namang kagigiliwan na serye ang ating mga TV viewer.
This time, isang C-drama o Chinovela na magpapa-iyak, magpapangiti, at magpapa-ganda ng inyong mga gabi ang mapapanood sa AllTV simula sa Lunes, Agosto 14, 8:00-9:00 p.m..
Kung kinagigiliwan natin ang mga Koreanovela, ang bagong handog na Chinese serye o C-drama naman ang nag-iimbita sa inyo sa pamamagitan ng Dahil Sa ‘Yo.
Sa husay ng mga voice talent natin na nag-Tagalize ng serye, walang dudang susubaybayan din ninyo ang kuwento ng isang Chinese family na sinuong ang mga isyu sa yaman, pagmamahal at katapatan versus pagtataksil, at kasinungalingan.
All Chinese actors ang kasama sa series subalit Pinoy na Pinoy ang kuwento, mga eksena at sitwasyon.
Kaya naman proud na proud ang mga taga-Regent Foods Corp. dahil sila ang nagdala sa bansa ng naturang Chinese serye o Chinovela.
Sa pagpirma nila ng kontrata sa AllTV, naging pormal ang pagsasanib-puwersa ng AMBS Network (AllTV) at kompanyang noon pa natin pinagkakatiwalaan pagdating sa mga snack foods.
Mapapanood ito sa AllTV channel 2 sa free TV, channel 35 sa Skycable at Cignal, at kung ang gamit naman ninyo ay ABS-CBN TV plus, Affordabox, at Sulitbox, nasa channel 31.4 DDT ito.
