HATAW! D'yaryo ng Bayan hatawtabloid.com
PUSH NA’YAN
ni Ambet Nabus
ISA sa mga pinaka-inaabangan ay ang reaksiyon ni meme Vice Ganda tungkol sa tinatawag nilang pag-dog show sa kanya ni Paolo Ballesteros.
Talagang magaling mag-ayos si Paolo na inakala nga naming nasa show ng TVJ si Vice Ganda hahaha!
Nakuwestiyon tuloy ang pagiging ‘unkabogable’ ni meme dahil sa pangangabog ni Paolo sa mga unang bahagi ng show ng TVJ. Sobrang nakaaaliw. Mga lumang skits ang ginawa ng TVJ at Dabarkads pero bentang-benta pa rin sa audience, kasama na rito ang mga nag-hit nilang Juan for All winners na nag-viral sa socmed.
Grandfinals naman ng Tawag ng Tanghalan duets ang itinapat na portion ng It’s Showtime na siyempre pa ay pasadong lahat sa mga hurado at tila napakiusapan ang maestro huradong si Louie Ocampo na huwag munang mang-gong kahit pa mayroong mga nag-flat at sharp etc. sa ilang contestants hahaha!
At maganda ring makita ang gaya ni Mark Bautista na nakaupong hurado noh.
Hay…kung hindi masisira ang remote at mga TV namin, tiyak na mataas ang kuryente namin dahil sa mga ito hahahahaha!
