Piwee at Froilan ng Jeremiah walang kupas ang galing kumanta

MA at PA
ni Rommel Placente

NAGING bisita namin sa aming birthday celebration noong May 30 ang dalawang member ng sikat na sikat na boy band  noong 90s, ang Jeremiah, na sina Piwee Polintan at Froilan Calixto.

Siyempre pa, kinanta nila ang signature song nilang Nanghihinayang, na talagang sikat na sikat noong i-release ito. At hanggang ngayon ay naririnig at pinatutugtog pa rin sa mga FM station at paboritong kantahin sa mga videoke. Kaya kahit mga millenial ay alam  ding kantahin ang Nanghihinayang.

Sumabay kami ng aming mga bisita sa pagkanta ng Nanghihnayang. Alam namin siyempre ang nasabing awitin, na ang ganda ng lyrics at melody.

After  kantahin nIna Piwee at Froi ang Nanghihinayang, ay nag-more kami. Nagustuhan kasi  namin ang pagkanta nila. Walang pagbabago sa kanilang boses, walang kupas pa rin sila sa pagkanta pagkatapos ng maraming taon.  

Ang sumunod na kinanta nila ay ang isa pang hit single nila, ang  Basta’t Ikaw, na sinabayan din namin ng pagkanta. 

To Froilan and Piwee, maraming salamat sa pagpunta sa aming kaarawan at sa pagpapaunlak ng dalawang awitin.