HATAW! D'yaryo ng Bayan hatawtabloid.com
MAY natapos gawing pelikula ang member ng Beks Battalion na sina Lassy Marquez, Chad Kinis, at MC Muah. Ito ay ang Beks Days Of Our Lives, under Viva Films, na ang direktor ay si Chad. Ito ang magsisilbing launching movie nilang tatlo.
Pero bago pa ito, ay nagkaroon na ng launching movie si Lassy, Ang Sarap Mong Patayin.
Sa isang panayam sa kanila, ay natanong ang tatlo kung dumating ba sa puntong nag-away sila dahil sa isang lalaki? Na ang sagot nila ay never.
Magkakaiba raw kasi sila ng tipo ng mga lalaki. Kaya never silang nagkaisyu sa lalaki.
Sa tatlo ay si Lassy lang ang may dyowa sa kanila ngayon, na nakabase sa ibang bansa.
Happy si Lassy na bukod sa pagiging comedian ay isa na ring direktor si Chad. Na ayon pa sa kanya ay wala namang inggitan na namamagitan sa kanila.
“Kagaya ni Chad, direktor na ngayon, so mas nakatutulong po siya sa grupo namin. Kaya wala pong inggitan sa amin. Kung sino ang mayroon o palarin na magkaroon ng project na ganito, malaking help po sa amin ‘yun.”
Masaya kami para kay Lassy dahil maganda ang takbo ng kanyang career ngayon.
May dalawang regular show siya sa ABS-CBN, ang It’s Showtime at I Can See Your Voice. At lagi rin siyang may ginagawang pelikula. At busy din siya sa vlog nila na Beks Battalion.
Ang Beks Days Of Our Lives ay showing na sa May 17.
