HATAW! D'yaryo ng Bayan hatawtabloid.com
MA at PA
ni Rommel Placente
SA nakaraang FDCP’s Film Ambassadors’ Night na ginanap noong Linggo, February 28, sa Metropolitan Theater ay napaiyak ni Direk Joel Lamangan si FDCP chair Liza Dino.
Bago kasi mag-umpisa ang taunang event ng FDCP, ay nakipag-kuwentuhan muna si Direk Joel kay Chair Liza.
Sabi ng una sa huli, “After ni Duterte, saan ka na? Dapat, ikaw pa rin!”
Na ang ibig sabihin ni Direk Joel, na dapat sa pagpapalit ng administrasyon this year, ay manatili si Chair Liza bilang Chairwoman ng FDCP.
Natuwa naman si Chair Liza sa sinabing ‘yun ni Direk Joel, lalo pa nang sinabi ng premyadong direktor, “I never liked Duterte but I like her. Dito ka lang, ‘neng! Marami ka pang matutulungan!”
Na-touch lalo si Chair Liza, at ayun na, roon na siya napaiyak. Sobra niyang na-appreciate si Direk Joel sa magandang sinabi nito sa kanya. Na pakiramdan niya sa mga oras na ‘yun ay talagang nagamapanan niya with flying colors ang role niya bilang chairwoman ng FDCP. Naipakita niya ang malasakit at pagmamahal niya sa movie industry.
“Totoo ‘yun, malaki ang naitulong mo sa industriya! Marami kang nagawa para sa mga manggagawa!” sabi pa ni Direk Joel kay Chair Liza.
In fairness kay Chair Liza, marami talaga siyang magandang nagawa sa movie industry mula nang siya ang naging chairwoman ng FDCP.
