L nina Direk Topel, EJ, at Roman ‘di pang-pornsite

HARD TALK
ni Pilar Mateo

SIGURADO ang tatlong direktor ng ipalalabas na erotic series ng Vivamax simula sa Pebrero 27, 2022, ang L (Larawan, Liko, Lipat) na hindi mabibilang sa mga pornsite ito.

Drama. Mystery. Para sa lahat ng may pinagdaraanan na gaya ng bida nitong si Lucas (portrayed by Vince Rillon). Na magkakaroon ng kaugnayan sa makakasalubong, halubilo, kilala at kasama niya. Sa mga gagampanan nina Cara Gonzales, Stephanie Raz, Cloe Barreto, Ayanna Misola, at Jamilla Obispo.

Hindi episodic ang L. Naka-sentro kay Vince. At ang mga engkuwentro ay buong busising tinahi at pinagtagni-tagni nina Direk Topel Lee, EJ Salcedo, at Roman Perez, Jr. na ginabayan ng tumayong producer nito sa ilalim ng kanyang PeliPula na si Jon Red.

Hindi naman nahilo ang mga artista sa bale apat na direktor na gumabay at gumiya sa kanila sa bawat shoot nila. Ang laki nga raw ng nagawa ng pinagsama-samang direksiyon ng apat.

Not on. Two. Three. But four!

Ang mahalaga naman ay ‘yung naalalayan sila at na-achieve ang mga kailangang mabuo ng ayon sa hiling ng kwento.

Naghahanap sa sarili niya si Lucas. Sa paghahanap, mayroong mga nakita, naiwan, naiwala,  natagpuan.

Makita kaya natin sa larawan ng katauhan ni Vince kung saan may liko sa lipat ng mga direksiyon ng mga direktor sa mga katauhan nila sa likod ng kamera?

Sa simpleng tanong sino raw kaya sa 3 o 4 na direktor ang pinaka-ma-L?

Kayo na maglagay ng gusto niyong ipakahulugan sa L na ‘yan!

Tutukan na!