Sen. Lapid positibo Sa CoVid-18

NAGPOSITIBO sa CoVid-19 si Senador Manuel “Lito” Lapid.

Kinompirma ito ng kanyang Chief of Staff na si Atty. Jericho  Acedera kasunod ng pag-amin na sumasailalaim sa isang treatment ang senador.

Ayon kay Acedera, naka-confine ngayon si Lapid sa Medical City sa Clark, Pampanga para masuri at mabigyan ng atensiyong medikal ang kanyang kalagayan.

Sinabi ni Acedera, batay sa pahayag ng mga doktor, nakararanas ng mild to moderate CoVid-19 symptoms ang senador.

Sa kasalukuyan, inaalam na rin kung saan nakuha o nahawa ang senador ng CoVid-19.

Nagsasagawa ng contract tracing sa mga taong nakasalamuha ng senador ganoon din ang mga nakasalamuha ng kanyang mga nakasalamuha.

Tiniyak ni Acedera, sila ay palagiang magbibigay ng pahayag sa lagay ng senador.

Umaasa si Acedera na malalamapasan ng kanyang boss ang karamdaman at agaran siyang gagaling.

Sa ngayon ay kailangan ng senador ay dasal para sa kanyang mabilis na paggaling sa CoVid-19. (NIÑO ACLAN)