HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
KINOMPIRMA ng talent manager na si Lolit Solis na hiwalay na ang kanyang alagang aktor na si Paolo Contis at LJ Reyes.
Ang kompirmasyon ay ibinahagi ni Manay Lolit sa kanyang Instagram account noong Linggo. Anito, walang third party sa hiwalayan ng dalawa.
Iginiit din ng manager ni Paolo na walang kinalaman si Yen Santos sa paghihiwalay ng kanyang alaga at ni LJ. Kaya ‘wag na itong idamay pa. Nagkasama sa pelikula sina Paolo at Yen, ang A Faraway Land nanapapanood ngayon sa Netflix.
Ani Manay Lolit, ”Naku ha, smokescreen naman masyado iyon tsismis na isinasali sa hiwalayan Paolo Contis at LJ Reyes iyon pangalan ni Yen Santos Salve. Open secret naman o silent whisper kung sino talaga ang karelasyon ni Yen Santos noh! Huwag na siyang isali at baka kung ano pa ang lumabas. Mas shocking pa ang mangyari.
“Walang 3rd party sa hiwalayan Paolo Contis at LJ Reyes. It was a matter of na outgrow na nila ang romance sa kanilang relasyon. Kesa naman humantong pa sa pag aaway, mas gusto na nila na maghiwalay ng maayos, at dasal na mag end as friends. Huwag na natin idamay pa si Yen Santos dahil may sarili siyang love story kaya hindi siya kasali sa love life nila Paolo at LJ noh!
“Huwag ng guluhin ang issue. Huwag ng magdagdag ng casting para hindi lumaki ang production cost, hah hah. Stop na natin script sa ending nila Paolo at LJ. Huwag ng dagdag subplot para hindi gumulo ang istorya. Ganuon lang iyon, nawala ang romance, stop, bago maging horror story. Bongga di ba Salve at Gorgy, ayaw nyo ng triangle love affair di bah ? Kaya, tapusin na duon ang story. Finish na. Babuuuu ! #classiclolita #74naako #takeitperminutemeganun.”
Bago ito, napansin ng netizens na binura ni Paolo ang mga picture ni LJ sa kanyang IG account kasabay ang balitang hiwalay na ang dalawa.
Hanggang ngayo’y walang nagsasalita kina Paolo at LJ ukol sa tunay na estado ng kanilang relasyon.
