Pacquiao pinuri ng kapwa senador

SA KABILA ng pagka­talo ni Boxing Champ at Senador Manny “Pacman” Pacquiao laban kay Cuban Yordenis Ugas, nagpaabot pa rin ng pagbati at papuri ang mga senador sa pambansang kamao.

Kabilang sa nag­paabot ng kanilang pagbati sina Senador Christopher Lawrence “Bong” Go, Panfilo “Ping” Lacson,  Sonny Angara, Joel Villanueva, at Senadora Nancy Binay.

Sinabi ng mga senador, sa kabila ng pagkatalo ng senador sa ring ay panalo pa rin siya sa puso ng bawat Filipino dahil hindi na mabubura ang kanyang pagiging boxing champ.

Bukod dito tinukoy ng mga kapwa senador na hindi matatawaran ang ipinakitang husay at galing ni Pacman sa ring. (NIÑO ACLAN)