HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
PINATUNAYAN ni Neil Arce kung gaano niya kamahal si Angel Locsin. Iba ngang level ang tumamang kupido sa dalawa na ngayon ay mag-asawa na.
Ang mga nega na nag-iisip na hindi magtatagal at maghihiwalay sina Neil at Angel dahil nawala ang kaseksihan ng aktres, tiyak na natameme at nainggit to the max.
At kahit hindi matuloy-tuloy ang planong church wedding dahil sa pandemic, nag-civil wedding na muna sila. At kahit simple, feel na feel naman ang love nila, na pinagtibay ng pagsubok.
Limitado ang mga sumaksi sa kasal dahil may health protocol. Pero isa sa mga masaya para kina Angel at Niel eh itong si Senador Ping Lacson, na napapabalitang tatakbong pangulo, at magiging bise presidente niya si Senate President Tito Sotto.
Dati na kasing sinabi ni Lacson na baka isa siya sa mga magiging ninong sa kasal nina Angel at Niel. Kaibigan kasi ng senador si Neil, kaya todo tanggol siya kay Angel nang ma-“red tag” ito noon.
Tila itinadhana rin silang tatlo dahil noong isapelikula ang buhay bilang mahusay na pulis ni Lacson, ang Ping Lacson: Super Cop, na si Rudy Fernandez ang bida, kasama sa cast si Angel na gumanap na anak ng negosyante na sinagip ni Lacson sa mga kidnaper.
Kaya malamang na sa church wedding nina Angel at Neil, may presidente at bise presidente silang mga ninong.
