Thursday , February 29 2024
DoE, Malampaya

Sa Malampaya consortium
BINTANG NG DOE KINASAHAN NI GATCHALIAN

BINATIKOS ni Senador Win Gatchalian ang paratang ng Department of Energy (DOE) na inaantala ng Senado ang timeline ng work program ng Malampaya consortium sa pagbusisi sa mga bentahan ng shares sa Malampaya gas field.

“Hindi tamang akusahan ang Senado na nagiging dahilan ng pagkaantala ng anomang timeline o work program ng consortium sa Malampaya. Kabilang sa mga tungkulin namin ang panagutin ang mga ahensiya ng gobyerno sa mga kaduda-dudang transaksiyon,” ani Gatchalian.

“Ang work program na may sinusunod na timeline ay commitment ng consortium sa gobyerno. Samakatuwid, kasama sa responsibilidad ng consortium ang pagtupad sa pangakong ito at kung mayroon mang pagkaantala sa pagtupad sa kanilang work program ay responsibilidad na ng DOE na panagutin ang consortium. Bakit Senado ang sinisisi?” tanong ni Gatchalian.

Ang bentahan sa pagitan ng Chevron at Udenna ay naisara noong Marso 2020 at noong Abril ng kasalukuyang taon lamang inaprobahan ng DOE ang nasabing transaksiyon.

Matatandaan, noong Oktubre 2020 naghain ng Senate Resolution No. 553 si Gatchalian kasama sina Senate President Vicente Sotto III at Sen. Panfilo Lacson upang siyasatin ang plano at mga programa ng DOE sa gitna ng napipintong pagtatapos ng kontrata ng Malampaya.

Nakapagsagawa ang Senate Energy Committee sa pangunguna ni Gatchalian ng tatlong pagdinig at binusisi ang mga dokumentong isinumite ng DOE na may kinalaman sa nasabing transaksiyon.

“Kami sa Senado ay tumutupad lamang sa aming oversight functions bilang bahagi ng check and balance mechanism sa gobyerno sa kadahilanang malaki ang papel ng Malampaya sa pagsisiguro ng supply ng enerhiya sa ating bansa,” ayon sa Chairperson ng Senate Energy Committee.

“Filipino consumers rin po kami, kaya karapatan po namin magtanong at panagutin kung mayroon mang nagkasala,” aniya.

Naghain si Gatchalian ng isa pang resolusyon, ang SRN 724, dahil sa kawalan ng katiyakan sa kahihinatnan ng nasabing gas project na unti-unti nang natutuyuan ng supply.

Sa kanyang resolusyon, binigyang diin ni Gatchalian ang kahalagahan ng pagsasapubliko ng DOE sa plano ng gobyerno na magsisiguro ng tuloy-tuloy na supply ng enerhiya sa buong bansa. (NIÑO ACLAN)

About Niño Aclan

Check Also

Law court case dismissed

Sa Jemboy Baltazar case
PULIS GUILTY SA HOMICIDE, 4 KABARO, 4 BUWAN KULONG BUGAYONG, ABSUWELTO 

“GANOON LANG? Makalalaya lang sila, sana maramdaman din nila ‘yung nararamdaman ng pamilya ko ngayon …

Sa kasong Statutory Rape LAGUNA REGIONAL LEVEL NA MWP INARESTO NG MAGDALENA POLICE

Sa kasong Statutory Rape
LAGUNA REGIONAL LEVEL NA MWP INARESTO NG MAGDALENA POLICE

CAMP B/GEN. PACIANO RIZAL – Arestado ang isang most wanted person (MWP) sa regional level …

DSWD Project LAWA BINHI DRT Bulacan

DSWD Inilunsad ang Project LAWA at BINHI sa DRT, Bulacan

SA layuning matugunan ang mga epekto ng El Niño phenomenon sa mga mahihirap at mahihinang …

PNP PRO3

PRO3 pinuri ng COA sa pananalapi, at sa 2024 exit conference

NAKATANGGAP ng mataas na papuri ang Police Regional Office 3 (PRO3) sa 2024 Commission on …

Rapist ng Quezon Province nagtago, nalambat sa Bulacan

Rapist ng Quezon Province nagtago, nalambat sa Bulacan

ISANG pugante na may kasong panggagahasa sa Quezon Province ang nahulog sa kamay ng batas …