HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
SUPER nag-enjoy si Congresswoman Vilma Santos sa Facebook at Instagram Live nila ng anak na si Luis Manzano kasama si Jessy Mendiola na pagkaraan ay sumama rin si Ryan Christian Recto. Ayaw pa nga nitong matapos ang pakikipagtsikahan sa mahigit sa 20K viewers dahil na-miss din niya ang makipaghuntahan sa kanyang fans.
Napag-usapan sa FB at IG Live ang ukol sa politika. Bukod kay Ate Vi na natanong sa pagtakbo sa Senado, natanong din si Luis kung nakapagdesisyon na siya tungkol sa usaping politika.
Anito, ”Para sa akin, kung gusto mo talaga maglingkod, kailangan mo maging public servant before ka maging politician.
“Kung sakali man in any position na pagtakbuhan ko, kung saka-sakali man. Kita niyo, ang taas ng ‘kung’, ha? I promise na I will serve you. I will serve the voters, kung sino man ‘yun. ‘Yun ang promise ko.
“Kung sakali lang, kung saan ako magsimula, konsehal, o ‘di kaya vice mayor o mayor, or vice governor, governor o sa Congress, kahit ano pa iyan na posisyon, service ang ihahatid ko sa inyo,” malinaw na sabi ni Luis.
Ukol naman sa pagtakbo ni Ate Vi sa Senado sa 2022 elections. Ang sagot niya, ”I’m considering it. Kaya lang po sa ngayon, nothing is final. Pinag-uusapan pa rin namin what’s the best.”
