Pagpapakasal ni Kris Bernal, ‘di na tuloy

NGANGA na sa kasal, nganga pa rin sa pinagagawang bahay ang Kapuso actress na si Kris Bernal kaya double whammy ang nangyari sa kanya dulot ng pandemya dahil sa Covid-19.

Unang naudlot ang pagpapakasal ni Kris sa fiancé niyang si Perry Choi. May 2021 ang orihinal nilang plano.

Eh dahil sa pandemya, nahirapan silang magpa-reserve sa simbahan, makabuo ng team na mag-aaasikaso sa kasal nila.

“Wala, talagang zero planning kami ngayon. Hindi namin maasikaso. Hindi rin sure kung kailan. Hindi rin sure kung matutuloy sa May 2021, ‘di ba? So talagang stop muna,” pahayag ni Kris sa kanyang latest You Tube vlog.

Pati ang pagpapagawa nila ng bahay, hindi muna rin nila itinuloy ang plano.

“Gusto sana naming magpatayo ng bahay bago kami ikasal para when we get married, may sarili na kamin bahay, may uuwian kami.

“Sobrang naapektuhan talaga ‘yon. Nag-start na lahat ng planning, ng drawing, ng design and all pero natigil na nga,” saad pa ng Kapuso actress.

Eh ‘yung negosyo nga niyang Korean resto, ginawa ni Kris itong mini-mart para may trabaho pa rin ang kanyang staff, huh!

I-FLEX
ni Jun Nardo