HATAW! D'yaryo ng Bayan hatawtabloid.com
TAON talaga yata ni Mocha Uson, ang 2020 dahil naglipana ang mga vlogger na pawang imbento ang mga balita na kinakagat naman ng kanilang viewers. At naniniguro sila na para huwag ma-bash at makuwestiyon ang kanilang gawa-gawang kuwento sa mga kilalang artista ay turned-off ang kanilang comment box. Ang kakafal ‘di ba, ayaw ma-bash pero ayaw tumigil sa pagkakalat ng fake news.
Well tuloy-tuloy pa rin ‘yung KC Concepcion-Piolo Pascual issue nila na ginawa na nilang parang teleserye. Pero butata naman silang lahat dahil sa magkahiwalay na recent interview ni KC sa parehong blogger at writer ng ABS-CBN na sina Ms. Mela Habijan at G3 San Diego ay sinabi ni KC na civil sila ni Piolo sa isa’t isa pero hindi na sila nagkikita.
At ang type ng actress na gusto niyang mapangasawa ay ‘yung ang mundo ay hindi lang sa buong Filipinas kundi global. She wants a global life at mukhang kompara kina Piolo at isa pang ex na si Aly Borromeo, isang footballer at member ng AZKALS, base sa panayam sa aktres ay tila may chance na balikan niya ang former French Bf na si Pierre Plassart.
Samantala, si Bea Alonzo ang bagong biktima ng fake news na lumipat na raw sa GMA 7 para maging partner ni Alden Richards sa gagawing drama series ng actor.
Kalokah, talaga ang mga imbentor YouTubers. Sa TVC nagkasama sina Bea at Alden at itong series na gagawin ng Kapuso actor ay si Jennylyn Mercado ang kanyang makakapareha kaya super koryente ang chikang nilayasan na ni Bea ang Kapamilya network.
And the mere fact na walang pinalabas na press statement ang presidente ng ABS-CBN Corporate Communications na si Sir Kane Errol-Choa at ang Star Magic ay isa lang ang ibig sabihin, hanggang ngayon ay nananatiling contract star ng ABS-CBN si Ms. Alonzo.
VONGGANG CHIKA!
ni Peter Ledesma
