HATAW! D'yaryo ng Bayan hatawtabloid.com
WALANG patid sa pagbabalita ang mga vlogger na mahihilig sa fake news kina KC Concepcion at Piolo Pascual.
As in hindi naman buntis si KC pero pinalalabas ng mga nasabing fake vloggers na preggy kay Piolo ang aktres at kambal pa raw ang lumabas na resulta sa ultrasound.
Tapos sa baby shower raw ay sina Judy Ann Santos at Pokwang ang dalawa sa malalapit kina KC at Piolo ang bisita.
Dagdag pa ng mga mapanlinlang na blogger, nakahanda na rin ang regalong mansion ni Sharon sa ikakasal na anak at itong si Gabby Concepcion naman ay abala sa pamimili ng gamit para sa kanyang apo kay KC?
Hayan sa magkahiwalay na recent interviews, sinabi ni Piolo na ang kasama niya ngayong lockdown sa pag-aaring rest house sa Mabini, Batangas ay ang kanyang Mommy Amelia at mga kapatid at pamangkin.
Ito ang tugon ng actor sa tanong ng host sa kanya sa Facebook Live para sa bagong ineendosong Super 8.
Samantala sa live streaming naman ng kaibigang writer at vlogger na si Ms. Mela Habijan, never na-mention ni KC ang pangalan ni Piolo Pascual kahit ang tanong pa ni Mela sa kanya ay tungkol sa kung ano ang lagay ng puso ng actress ngayon.
Kaya puwede ba, sa lahat ng mga nakikisakay sa balikan kuno at napipintong pagpapakasal nina KC at Piolo ay tigilan n’yo na ang mga kahibangan ninyo?
Huwag ninyong gamitin ang dalawa para lang kumita. Magbalita kayo ng totoo or else idol n’yo nga si Mocha Uson.
VONGGANG CHIKA!
ni Peter Ledesma
