HATAW! D'yaryo ng Bayan hatawtabloid.com
UMAASA si Senadora Grace Poe na maiibsan nang kaunti ang paghihirap ng mga pasahero ng MRT 3 makaraan iulat ng Department of Transportation (DOTr) ang pagdating ng unang batch ng nabiling spare parts para sa mga sirang train.
Bukod dito, kompiyansa si Poe na mayroong komprehensibong plano ang pamahalaan para ayusin ang serbisyo ng MRT 3 para sa mga pasahero.
Ayon kay Poe, buo pa rin ang tiwala niya sa pamahalaan na isasaalang-alang at titiyakin na walang buhay ang mala-lagay sa panganib.
“Nagpapasalamat tayo sa DOTr sa pagkakaroon ng puso para sa daan libong pasahero ng MRT-3, lalo sa mga may kapansanan, matatanda, buntis at ang mga pasaherong umuuwi sa kani-kanilang mga probinsiya sa kagustuhang mapabilis ang kanilang biyahe dahil sa tindi ng trapik sa Metro Manila,” ani Poe
Pinayohan ni Poe ang DOTr na dapat matiyak na maipagkakaloob sa kompanyang mayroong sapat na kaalaman at kapasidad ukol sa railway operation, ang maintenance ng MRT 3.
(NIÑO ACLAN)
