Saturday , April 1 2023
Drivers license card LTO

Comprehensive Driver’s Education
BAGONG ‘PAHIRAP’ SA BAYANG MOTORISTA
(Dagdag gastos na, dagdag abala pa)

BULABUGIN
ni Jerry Yap

HINDI naman tayotumututol sa pagkatuto ng mga driver na maraming pagkukulang sa disiplina sa kalye.

        Pero sa ganang atin, ang bagong dagdag na requirement na Comprehensive Driver’s Education (CDE) ay hindi dapat maging general requirement para sa lahat ng magre-renew ng driver’s license.

        Mas malinaw siguro na i-require nila ito sa truck drivers dahil mahahalagang cargo ang ibinibiyahe nila, sa public transport drivers dahil buhay ng mga pasahero ang responsibilidad nila, at sa mga driver ng private vehicles na maraming paglabag sa batas trapiko — para matuto sila.

        Ibig nating sabihin, dapat ay selective ang rekesitos na CDE, hindi para sa lahat.

        Ikalawa, maraming problema ang Land Transportation Office (LTO) na hanggang ngayon ay hindi pa rin nakaklaro nang husto, hayan at magdaragdag na naman ng requirement na CDE?

        Dagdag gastos na, dagdag abala pa!

        Mukhang diyan talaga magaling si LTO chief, Asst. Secretary Edgar Galvante, ang magdagdag ng gastos at mang-abala ng mga motorista.

        Bakit kaya hindi pagpapadali sa sistema ang isipin ng mga opisyal ng gobyerno, imbes gawing masalimuot ang mga rekesitos? 

        Hindi malayo na pasukin na naman ng sindikato ‘yang pagbibigay ng CDE. Kahit na sabihin ng LTO na libre ‘yan.

“Libre ang pagsailalim sa CDE sa mga LTO Driver’s Education Centers at sa LTO Portal.”

‘Yan ang sabi sa anunsiyo ng LTO.

Ang tanong, kaya ba nilang i-accommodate ang lahat ng aplikante para sa kukuha ng CDE? At gaano rin katagal bago lumabas ang certificate na kailangan sa pagre-renew ng lisensiya?

        Siyempre, sasabihin ng LTO mandatory na ‘yan, alinsunod sa Republic Act No. 10930. Ito nga ‘yung gagawin nang 10 taon ang bisa ng driver’s license (sa mga walang traffic violation/s) pero kailangan nga raw sumailalim sa CDE.

        “Ang lahat ng magre-renew ay kailangang dumaan sa Comprehensive Driver’s Education upang matanggap nila ang kanilang CDE certificate,” pahayag ng LTO Central Office sa Quezon City.

Heto ang kanilang anunsyo sa publiko:

Uumpisahan nang ipatupad ng LTO ang probisyon ng Republic Act (RA) 10930 tungkol sa pagre-renew ng Driver’s License sa ika-28 Oktubre 2021 sa Central Office-Licensing Section at Quezon City Licensing Center (QCLC). Susundan ito sa iba pang mga opisina sa National Capital Region sa ika-3 Nobyembre 2021.

Alinsunod sa RA 10930, na nag-uutos ng pagpapahaba sa bisa ng mga lisensya, maaari nang makapag-renew ng 10-year Driver’s License ang mga walang traffic violation record. Samantala, mananatili sa 5-year Driver’s License ang mga aplikante na may traffic violation record.

Ang lahat ng magre-renew ay kailangang dumaan sa Comprehensive Driver’s Education (CDE) upang matanggap nila ang kanilang CDE Certificate.

Ang CDE materials ay makukuha sa LTO Portal (portal.lto.gov.ph), sa mga LTO offices, at sa mga LTO-Accredited Driving Schools. Libre ang pagsailalim sa CDE sa mga LTO Driver’s Education Centers at sa LTO Portal. Kaya naman, inaanyayahan ang lahat ng kliyente ng LTO na magrehistro at lumahok sa Land Transportation Management System (LTMS) sa LTO Portal.

Para sa mga kliyenteng nasa labas ng NCR, antabayanan ang mga susunod na anunsiyo ng LTO ukol dito.

#DOTrLTO

#ComfortableLifeForAll

#LTOLookThinkObey

Ang mga aplikante umano ay kailangan mag-fill-up ng application form sa Land Transportation Management System (LTMS) page sa LTO website. Dito na rin umano ipoproseso ang lahat ng transaksiyon.

        Kung tunay na magiging maayos ang serbisyo ng LTO, wala nang iinam pa sa online transactions pero sana naman, please lang, huwag makarating sa C.M. Recto Ave., ang kuhaan ng CDE.

        Ibig sabihin, hindi pupunta ang mga aplikante sa Recto para sa CDE kung magiging maayos at mabilis ang proseso ng LTO.

        Wish ko lang…puwede ba LTO chief, ASec. Galvante?

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

shabu

Mahigit PHP 1.5-M halaga ng shabu nakumpiska sa Bataan

Inihayag ni Central Luzon Regional Director PBGeneral Jose S. Hidalgo Jr na ang Bataan police …

Jose Hidalgo Marlon Serna

RD Hidalgo binisita ang burol ng napaslang na hepe ng San Miguel MPS;
Reward para sa mga killers umabot na sa P1.7-M

Nagbigay ng kanyang huling paggalang si Police Regional Office 3 Director PBGeneral Jose S. Hidalgo …

iSCENE 2023 PAPI DOST

Are you ready for the biggest and the smartest 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗘𝘅𝗽𝗼𝘀𝗶𝘁𝗶𝗼𝗻 𝗶𝗻 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲𝘀 this year?

Join us on March 23-25, 2023, in the first ever 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗦𝗺𝗮𝗿𝘁 𝗖𝗶𝘁𝘆 𝗘𝘅𝗽𝗼𝘀𝗶𝘁𝗶𝗼𝗻 𝗮𝗻𝗱 …

electricity meralco

Karapatan ng consumer mangingibabaw kontra prangkisa

IGINIIT ni Puwersa ng Bayaning Atleta partylist Rep. Margarita Nograles, ang kapakanan ng mga residente …

Dead body, feet

Bangkay itinapon sa Bulacan
LOLA PINATAY NG SARILING ANAK, KRIMEN NASAKSIHAN NG APO

NATAGPUAN ng isang residente ang bangkay ng isang lola na nakasilid sa isang storage box …