HATAW! D'yaryo ng Bayan hatawtabloid.com
PINAPUNTA na ng Viva Films sina James Reid at Nadine Lustre sa London nitong weekend (either Saturday or Sunday) para magsyuting ng ilang eksena ng pelikula nilang Never Not Love You.
Ayon sa news.abs-cbn.com, nag-post sa Facebook ang Viva Artists Agency (VAA), ang kompanyang namamahala sa career nina James at Nadine, ng mga litrato ng dalawa, pati na ang mga tao na mai-involve sa syuting. Pero ang nakita lang naming litrato ay ‘yung kina James at Nadine. Sa Instagram ng VAA namin nakita ang larawan. Mukhang masaya naman ang mag-sweetheart.
Sa pagpapapunta sa kanila roon, ibig sabihin ay totoo ang iginiit ni Nadine kamakailan sa Tonight with Boy Abunda ng ABS-CBN na tuloy ang pelikula kahit na may nakanselang syuting dahil umano sa paglalasing ni James sa isang bar the night before the scheduled shooting day.
Ang pahayag naman ni Nadine kay Boy Abunda, siya—hindi si James— ang may kasalanan kung bakit nakansela ang syuting.
Naging problematic ang kalusugan n’ya. Nadiskubre na mayroon siyang inverted cervical curve sa leeg n’ya at sa kanyang scoliosis.
“Super sakit siya,” sabi ni Nadine tungkol sa bahaging ‘yon ng kanyang katawan.
Walang binanggit sa report ng news.abs-cbn.com kung ilang araw mananatili sa London sina James at Nadine at kung kailan sila babalik sa Pilipinas.
KITANG-KITA KO
ni Danny Vibas
