HATAW! D'yaryo ng Bayan hatawtabloid.com
FACT SHEET
ni Reggee Bonoan
SA wakas ay gumiling na ang kamera ni Direk Yam Laranas sa unang tambalan nina Nadine Lustre at Diego Loyzaga na may working title na Greed produced ng Viva Films at Meslab Production.
Ipinost ni Direk Yam sa kanyang Instagram nitong Linggo ng 9:00 p.m. ang mga larawan ng dalawang artista niya na nakatira sa isang lumang bahay na nasa gitna ng bundok ng Rizal.
“GREED @vivamaxph #actor @nadine @diegoloyzaga #filmmaking #storytelling #cinema #cinematography #filmproduction @viva_films x @meshlabprod #entertainment, “ ito ang caption ng direktor.
Pinadalhan kami ni direk Yam ng mga larawan na kuha niya sa shoot thru FB chat na may nakalagay na ‘multiple locations’ at ang ganda-ganda dahil halos abot kamay nito ang mga ulap at walang makikitang ibang taong nakatira.
As usual, nagpatayo na naman si direk Yam ng bahay sa tuktok ng bundok para maging tirahan nina Nadine at Diego na base sa mga larawan ay sila ang magkarelasyon at ano kaya ang karakter ni Epy Quizon?
Kaya pala bago simulan ang lock-in shoot ni direk Yam ay nag-post siya ng machine na gamit niya pang-exercise, “Pre-production Conditioning #gym #workoutmotivation #cardio @lifefitnessofficial #treadmill #exercise #health #lifefitness #filmmaking #filmmakerslife.”
Kasi akyat-baba siya sa tuktok ng bundok at dahil limitado lang ang production staff kaya malamang may bitbit din siyang mga gamit.
Minsan natanong namin si direk Yam kung bakit laging sa Rizal ang location ng mga pelikula niya. “Mas mura at safe ang lugar.”
