Thursday , December 7 2023
Janno Gibbs, Mang Jose, Manilyn Reynes, Bing Loyzaga

Mang Jose, Pamaskong handog ni Janno sa netizens

SHOWBIZ KONEK
ni Maricris Valdez Nicasio

INUNAHAN na ng Viva Films ang Metro Manila Film Festival sa pag-a-announce ng pelikulang mapapanood sa Kapaskuhan. Hindi nga lang naming alam kung maipalalabas din ito sa sinehan ngayong nagbukas na at pwede nang manood at magpalabas ng mga pelikula. Sa December 24, isang pelikulang Pamaskong handog ng Viva ang mapapanood via Vivamax, ang Mang Jose na pinagbibidahan ni Janno Gibbs kasama sina Mikoy Morales at Jerald Napoles na idinirehe ni Rayn Brizuela.

Ang Mang Jose ay isang superhero na nilikha at ipinakilala ng bandang Parokya ni Edgar bilang isang awitin noong 2005 at ngayo’y isa ng pelikula. Si Janno si Mang Jose na may superpower at energy absorption and redirection. Siya ang tinatawag ng mga taong nangangailangan ng tulong ngunit dapat ay may kakayahang magbayad. Hindi kasi libre ang serbisyo ni Mang Jose, may bayad at umaabot  ito ng ilang libong piso.

Ang Mang Jose ay may advance streaming sa November 17 at officially mapapanood sa December 24 sa Vivamax.

Ayon kay Janno late 2020 pa nila sinimulan ang pelikula at nito lamang early 2021 nila natapos.

Ang dahilan ayon kay Janno, ”We were trying to wait for the movie houses to open. We wanted sana in the theaters kasi nga this is a special movie for Viva, bagong super hero movie. This was shot in 8k kaya very clear talaga ang quality nito. But Vivamax came in kaya rito na kami sa Vivamax.”

Hindi ito ang unang pagkakataong gumawa ng superhero movie ni Janno. “This is my new ‘Pedro Penduko,’ ‘Mang Jose.’ Ang ganda ng costume, scene stealer siya,” sambit ni Janno.

Kasama rin sa pelikula sina Manilyn Reynes at Bing Loyzaga na first time nilang magkakatrabahong tatlo.

“Working with Manilyn is always a pleasure. We’ve done a lot of work on TV, but sa movies sobrang tagal na naming hindi nagkakasama. So, to be with her in this movie makes it even more special.

“Ito po ang first time at ito na po ang last time siguro (natawa). Eh, kasi ‘pag magkasama ‘yung dalawa sa tent puro ako ang pinag-uusapan at nilalait nila. Kawawa ako,” natatawang kuwento ni Janno.

Ukol naman sa stunts, buong pagmamalaki ni Janno na siya ang halos gumawa ng lahat, ”Hindi mahirap ‘yung stunts pero mas mahirap na ngayon kasi mas matanda na ako. Bata pa ako roon sa ‘Pedro Penduko’

“But I can assure you na mga 90 percent ng action ditto eh, ako talaga at ‘yung double, eh, 10 percent lang.”

Sa kabilang banda, ang Mang Jose ay nakalahok na sa Bucheon International Fantastic Film Festival (BIFAN) sa South Korea noong July. Hindi ito ang unang pagkakataon na mapasama ang pelikula ni Direk Brizuela sa isang international film festival. Ang kanyang first feature film na Memory Channel (2016) ay nakapasok sa World Premiere Film Festival.

About Maricris Valdez Nicasio

Check Also

TVJ Eat Bulaga TV5

Respeto hiling ng TVJ, Eat Bulaga! magagamit na   

SHOWBIZ KONEKni Maricris Valdez Nicasio “Alam ko legally na nasa tama kami, kaya expected (mananalo) …

Jeri Violago Vehnee Saturno

Newbie singer na si Jeri, available na ang debut single na Gusto Kita 

ALAM MO NA!ni Nonie Nicasio MAPAPAKINGGAN na ngayon ang debut single ng guwaping na newbie …

Jeri Gusto Kita

Gusto Kita music video ni Jeri nakakikilig

HARD TALKni Pilar Mateo THERE’S a new kid on the block. Ang guwapo. At ang …

Karla Estrada Kathniel Daniel Padilla Kathryn Bernardo

Karla may pakiusap: tantanan, ‘di nakatutulong sa paghilom ng kanilang sugat 

REALITY BITESni Dominic Rea ISANG fake news ang pinasinungalingan ni Karla Estrada patugkol sa kanya kamakailan. Simula …

Piolo Pascual Mallari

Piolo lalong gumagwapo kapag nalalasing

REALITY BITESni Dominic Rea HABANG pinagmamasdan ko si Piolo Pascual sa grand mediacon ng kanyang latest film …