Dalagitang birthday gift na-gang rape

ARESTADO ang isa sa tatlong suspek na halinhinang gumahasa sa isang 15-anyos dalagita na ginawang regalo sa birthday party sa San Mateo, Rizal.

Sa ulat ng San Mateo PNP, naaresto ang suspek na si Edrian Peregrino, 19, habang target ng manhunt operation ng mga awtoridad ang dalawa pang sina Adrian Padayao, 19, at Edgie Tamone, 20 anyos.

Habang inaresto rin ng mga pulis si Ella Tuesta, ang bading na sinasabing kaibigan ng mga suspek at pumili sa biktima para iregalo sa birthday.

Ayon sa kaanak ng biktima, linggo ng gabi nang magpaalam ang dalagita na pupunta sa isang birthday party kasama si Tuesta.

Ngunit nang malasing na ang lahat, ginahasa ang biktima ng isa sa mga suspek na may kaarawan. At pagkaraan ay ginahasa rin siya ng dalawa pang mga suspek habang may nakatutok na kutsilyo sa kanya.

Lunes nang madaling-araw, nagulat ang mga magulang ng biktima nang umuwi ang dalagitang puro pasa at galos ang katrawan.

( ED MORENO )