HATAW! D'yaryo ng Bayan hatawtabloid.com
PAREHONG pinag-uusapan sa social media ang magkapatid na Anne Curtis at Jasmine Curtis-Smith.
Marami kasi ang “nalalaswaan” sa na-i-post na picture ni Jasmine kasama ang bf ni Anne na si Erwan Heussaff. Sa naturang picture kasi ay patalikod na nakayakap ang naka-shirtless na si Erwan kay Jasmine.
Siyempre marami ang naglagay ng malisya.
Sa kabilang banda, tila deadma lang si Anne na involve naman sa pag-post ng picture ni Isabelle Dazahabang naglalangoy naman sa pool.
Mukhang chararat siguro ang pakiramdam ni Isabelle sa naturang picture kaya’t pinakiusapan nito ang kaibigan na i-delete. Ang masagwa nga lang ay pinag-usapan ang pagtawag ni Isabelle ng “hoe” kay Anne.
Sa slang na kahulugan kasi, “pokpok o puta” ang kahulugan ng naturang salita.
Nakakaloka ang mga may lahing banyagang Pinoy na ito (o utak-banyaga) dahil kahit saan naman talaga tingnan, mapupuna at mapapansin talaga ang pagiging sobrang liberated nila.
Tama rin lang na punahin sila dahil sa bansang ito, iba pa rin ang kulturang Pinoy pagdating sa mga vulgar na lengguwahe o aksiyon, ‘di ba mareh?
AMBETIOUSLY – Ambet Nabus
