Miles, nagbunga ang paghihintay

“WORTH the wait po kuya,” sey sa amin ng anak-anakan naming si Miles Ocampo na bibida na sa And I Love You So na nag-umpisa nang umere noong Lunes, Dec. 7 after ng All of Me sa ABS-CBN afternoon drama.

Tuwang-tuwa kami kay Miles na noon pa namin kilala, nakaka-tsikahan at bonggang nakaka-tsismisan ng mga anik-anik lalo na kapag nagkikita kami sa clinic nina Dr. Jay & Dra. Shiela Recasata ng Faces & Curves.

Matagal nga naman ang ipinaghintay ng dalaga bago siya nabigyan ng ganito kalaking break though marami naman siyang projects na nasasalihan.

“Siguro po talaga kapag ukol sa iyo, sa iyo,” hirit pa ng dalaga na siya ngayong ka-love team ni Inigo Pascual sa soap at kabangga ni Julia Barretto (parang inire-relaunch din as bida-kontrabida).

Sa trailer pa lang ng serye ay mararamdaman mo na ang pang-aapi sa kanya ng mag-inang Julia at Angel Aquino na mukhang may kakaibang pasabog ang karakter.

Si Dimples Romana ang gaganap na nanay ni Miles habang si Tonton Gutierrez ang tatay. Kasama rin sa serye sina Jay Manalo at Kenzo Gutierrez.

Ambetiously – Ambet Nabus