Piolo, walang time para makahanap ng GF

NAPAKASUWERTE namang makasama sa pagtulog o panaginip ni papa Piolo Pascual.

Sa sobrang busy kasi nito ay wala na nga siyang magagawang way para mahanap ang future Mrs. Piolo Pascual niya.

Noong makatsikahan namin ito sa aming DZMM program na Chismax kasama si Gretchen Fullido, naloka kami sa iskedyul niya.

Nasa Hongkong siya at that time para sa screening ng The BreakUp Playlist na certified box-office hit. Mayroon pang ibang countries na malamang ay puntahan din niya for the same purpose.

Then upon his return, tatapusin niya ang indie movie under direk Lav Diaz na makakasama niya for the first time si John Lloyd Cruz.

Mayroon din siyang uumpisahang soap na makakasama naman niya sina Toni Gonzaga, Jolina Magdangal, at Sam Milby.

May malaking sporting event pa siya na lalahukan (Iron Man) sa Cebu this year kaya’t dapat din daw siyang maging physically ready, fit and strong.

Kaya nga sa panaginip at sa pagtulog na lang daw n’ya muna hahanapin ang future Mrs. Piolo Pascual dahil wala nga siyang sapat na oras sa ngayon.

Naku, kung kami ang aapir sa dream niya ay tiyak na babangungutin siya ‘di kaya Mareng Maricris hahahaha!

AMBETIOUSLY – Ambet Nabus