Cristine, muling nagpa-tattoo sa kaliwang kamay

MAY bagong tattoo sa kaliwang kamay si Cristine Reyes sa ginanap na Dutdutan Festival sa World Trace Center noong Biyernes ng hatinggabi.

Nakita namin na nag-post ang bida ng Bukas Na Lang Kita Mamahalin sa Instagram account niya na naroon siya sa Dutdutanevent kasama ang ilang kaibigan at nagpa-dutdut din para sa bago niyang tattoo.

Krus ang ipinalagay ni Cristine sa gilid ng kaliwang kamay at nakita rin na nakapikit siya dahil sa nararamdamang sakit buhat sa karayom.

At nang matapos ay sabay nilang ipinakita ng kaibigan niya ang ipinalagay nilang Krus tanda ng kanilang pagkakaibigan.

Ano kayang say ng boyfriend niyang si Derek Ramsay dito?

Reggee Bonoan