HATAW! D'yaryo ng Bayan hatawtabloid.com
NASAKOTE sa bayan ng Sison, lalawigan ng Pangasinan ang isang murder suspect sa Marikina na nagtago ng 13 taon sa mga awtoridad, nitong Sabado ng gabi, 12 Pebrero.
Sa ulat, kinilala ni P/Col. Benliner Capili, hepe ng Marikina CPS, ang nadakip na suspek na si Leo Bassi, 51 anyos, may asawa, residente sa Brgy. Alibing, sa nabanggit na bayan.
Sinalakay ng mga tauhan ng Warrant and Subpoena Unit at Intelligence ng Marikina PNP at Sison Municipal Station sa kanyang tahanan ang suspek kamakalawa ng gabi.
Ayon sa ulat, kasama sa operasyon si P/Maj. Federico Halog, Jr., hepe ng Sison MPS nina P/Lt. Michael Danao at P/Lt. Michael Mase ng Warrant and Subpoena Unit, Follow up and Detective Unit upang ihain ang warrant of arrest laban sa suspek na inisyu ni Presiding Judge Alice Gutierrez ng Marikina City Regional Trial Court Branch 263 na may petsang 29 Abril 2009.
Nabatid na kinahaharap ng suspek ang kasong murder at dalawang bilang ng kasong frustrated murder mula 2009 at nagtago ng 13 taon sa batas. (EDWIN MORENO)
