Lala Sotto, MTRCB kakampi at ‘di kalaban ng industriya

Maricris Valdez Nicasio February 9, 2026 Entertainment, Movie, Showbiz, TV & Digital Media

SHOWBIZ KONEK
ni Maricris Valdez

“KAKAMPI kami ng industriya.” Ito ang binigyang diin ni Movie and Television Review and Classification Board (MTRCB) Chair Lala Sotto nang makausap namin ito sa courtesy call ang officers and members ng Society of Philippine Entertainment Editors (SPEEd) sa MTRCB noong February 4.

Hindi nga kontrabida ang imahe ng MTRCB sa entertainment industry. Kung noo’y ito ang kanilang image lalo na kapag may napapatawan dahil sa paglabag sa mga umiiral na batas.

“Hindi na masyado. Iyon talaga ang tingin nila sa amin. Pero kami, alam namin dito sa loob, na kami ay allies.

“But hindi naman maiiwasan to feel that way and, you know, everybody’s entitled to think what they want to. So, we’re just doing our job,” paliwanag ng MTRCB Chair.

Sa kabilang banda, napagsama-sama ng MTRCB sa isang infomercial ang kanilang stakeholders, kabilang na ang mga producer, kilalang celebrities, at First Family.

“I think really, it’s important to really work together. And encourage again the Filipino families to go back to the cinemas and enjoy that communal experience with their loved ones,” ani Chair Lala.

Nausisa kay Chair Lala kung may kapangyarihan ba sila na amyendahan ang by-laws ng MTRCB, at ang tugon nito, “We have the power to make a few changes in the IRR [Implementing Rules and Regulations] siguro.

“By the memorandum circulars. But we cannot change the law. Kinakailangan ng amendment to the charter.

“We don’t have that power. That power belongs solely to the House of Representatives and the Senate to be approved by the President.

“Kung may gustong baguhin, ginagawa lang namin sa abot ng aming makakaya. Nagpapasa kami ng mga memorandum circular and board resolutions.

“Pero ‘yung talagang pakikialaman ang batas? Hindi puwede. Kinakailangan ng amendment to the charter.”