Husay bilang aktres ni Bianca pinapurihan

Rated R
ni Rommel Gonzales

SPEAKING of Bianca Umali, hiningan namin ang magandang aktres ng reaksiyon tungkol sa opinyon ng marami na naipakita ni Bianca sa Legal Wives ang husay bilang isang aktres?

“Wala po akong ibang masabi kundi maraming, maraming, maraming salamat po talaga sa lahat. Hindi rin ho kasi naging madali and napakalaki ng proyekto and I was very blessed to have been given the opportunity to be part of this project as the third and youngest wife of Mr. Dennis Trillo.

“And ngayon po na ganito na napapanood po ng mga tao and ang sarap po sa puso na nagustuhan po nila ‘yung palabas namin. Wala ho akong ibang masabi kundi maraming salamat po.”

Pabor si Bianca sa lock in taping na “nauso” simula noong magkaroon ng pandemya.

“Para po sa akin ‘yung naging bagong sistema po kasi ngayon ng pagte-taping ng bawat show mayroon po talagang pros and cons. 

“Pero siguro po sa ngayon masasabi ko na I am for lock in system kasi iba ‘yung focus, iba ‘yung opportunites, ang daming time, the fact na nandoon ka lang, nandoon ka lang sa character mo bilang isang aktor, hawak mo ‘yung oras mo para mag-aral, hawak mo ‘yung oras mo sa lahat.

“And I think even personally, ang daming time para mag-reflect, ang daming time magmuni-muni,” at natawa si Bianca. “And those are some of the things that I really enjoy po kasi personal eh.”

Bukod sa pag-aartista, singer din si Bianca. Kari-release lang ng kanta niyang Itigil Mo Na sa ilalim ng GMA Music nitong September 30. Available ang Itigil Mo Na sa Spotify, YouTube Music, Apple Music, at iba pang digital stores worldwide.