Tuesday , March 11 2025
dead gun police

NUJP ex-chairman sa Capiz patay sa riding-in-tandem (Sa bisperas ng World Press Freedom Day)

AGAD binawian ng buhay ang municipal administrator ng bayan ng Pilar, lalawigan ng Capiz, nang pagba­barilin ng dalawang suspek sa lungsod ng Roxas, nitong Linggo ng hapon, 2 Mayo.

Kinilala ang bikti­mang si John Heredia, 54 anyos, kilalang betera­nong mamama­hayag at dating chairperson ng National Union of Journalists of the Philippines (NUJP)  sa naturang lalawigan bago naitalagang municipal administrator ng bayan ng Pilar.

Nabatid, kalalabas ni Heredia sa isang hardware store sa Brgy. Lawa-an at pasakay sa kanyang sasakyan nang paulit-ulit na pinag­babaril ng riding-in-tandem na agad niyang ikinamatay.

Nagsilbi si Heredia bilang executive producer at host ng isang cable television program na “Abri Aga” at nagsulat din para sa mga lokal na peryodiko.

Ayon sa NUJP, dating national director at chairperson ng Capiz chapter si Heredia.

Samantala, kinompir­ma ng maybahay ng bik­tima na si Atty. Criselda Azarcon-Heredia, na nakatatanggap ng mga banta sa kanyang buhay ang kanyang asawa.

Pahayag ng biyuda sa mga mamamahayag sa lungsod ng Roxas, ipinauubaya niya sa pulisya ang imbestiga­syon kaugnay sa pama­maslang sa kanyang asawa.

Napag-alamang nauna nang nakaligtas sa pananambang si Criselda, miyembro ng National Union of People’s Lawyers (NUPL), noong Setyembre 2019 sa bayan ng Sigma, sa parehong lalawigan.

Hindi pa malinaw sa kasalukuyan kung may kaugnayan ang dalawang insidente.

Sa Bicol, sinalakay ng mga pulis ang bahay ng isang campus journalist kahapon ng madaling araw.

Sa pahayag ng National Union of Journalists of the Philippines (NUJP), isang araw bago ang World Press Freedom Day, sinalakay ng Philippine National Police – Criminal Investigation  and Detection Group (PNP-CIDG) ang tahanan ng student journalist na kinilalang si Justine Mesias, sa Daraga, Albay.

Nabatid, dakong 4:00 a.m. kahapon, 2 Mayo, 40 elemento ng PNP-CIDG ang sumalakay sa bahay nina Mesias.

Si Mesias ay senior editor ng college publication Cassipi Online ng Bicol University at tagapagsalita ng Youth Act Now Against Tyranny (YANAT) Bicol.

Sa inisyal na impormasyon mula sa College Editors Guild of the Philippines (CEGP), wala si Mesias nang maganap ang insidente.

Halos 20 pulis ang sapilitang pumasok sa tahanan ng mga Mesias at namalagi roon nang halos dalawang oras.

Sinabi ng raiding team, nakakuha sila ng .45 kalibreng baril at umano’y mga pampasabog sa bahay ng student journalist.

Bago mangyari ang pagsalakay, si Mesias ay ini-red-tag ng Masbate City Police Station sa kanilang Facebook page.

Dalawang aktibista pa ang inaresto sa Bicol sa magkahiwalay na insidente kahapon. (KARLA G. OROZCO)

About Karla Lorena Orozco

Check Also

Jose Antonio Ejercito Goitia

Pag-angkin ng China sa Palawan binatikos ng partylist nominee

SUMIKLAB ang matinding batikos matapos kondenahin ni Dr. Jose Antonio Ejercito Goitia, Chairman Emeritus ng …

Taguig

Kandidatura ni Direk Lino Cayetano, nabulilyaso

SA DESISYONG ipinalabas ng Taguig Regional Trial Court (RTC) Branch 153 nitong 5 Marso 2025, …

Pasig City

Tserman inireklamo kay Mayor Vico dahil sa ‘illegal’ multi-purpose hall

NAGHAIN ng reklamo sa tanggapan ni Pasig City Mayor Vico Sotto ang isang kompanya laban …

031025 Hataw Frontpage

Ombudsman kinalampag ng SINAG, graft vs NFA officials pinamamadali

NANAWAGAN ang Samahang Industriya ng Agrikultura (SINAG) kay Ombudsman Samuel Martires na kanilang isapubliko ang …

Enrico Roque Pandi Bulacan

KASONG RAPE VS PANDI MAYOR IBINASURA  
Bogus na biktima buking

HATAW News Team IBINASURA ng Regional Trial Court Branch 121 ng Caloocan City ang inihain …

Leave a Reply

Your email address will not be published. Required fields are marked *