Saturday , January 28 2023

Sa Loboc River
4 PATAY SA BUMIGAY NA LUMANG TULAY, 15 GRABENG SUGATAN  

042822 Hataw Frontpage

APAT katao ang binawian ng buhay habang 15 ang nasugatan matapos bumigay ang lumang tulay ng Clarin sa Loboc River sa bayan ng Loay, lalawigan ng Bohol, nitong MiyerkOles ng hapon, 27 Abril.

Ayon sa ulat, bumigay ang tulay pasado 4:00 pm kahapon at may mga dumaraang sasakyan nang maganap ang insidente.

Matatandaang napinsala ang tulay noong nilindol ang Bohol noong 2013 ngunit patuloy na pinadaraanan sa mga sasakyan habang hindi pa tapos ang konstruksiyon ng bagong tulay sa tabi nito.

Samantala, patuloy ang isinasagawang search and rescue operation ng National Disaster Risk Reduction and Management Council (NDRRMC).

Sa isang Facebook live, itinurong dahilan ni Bohol Governor Art Yap ang pagbagsak ng tulay dahil sa hindi umaandar na trapiko.

Ani Yap, sinabi ni Engineer Magiting Cruz ng Department of Public Works and Highways (DPWH) na para lamang sa umaandar na mga sasakyan ang tulay.

Posible umanong dahil hindi na kinaya ng tulay ang bigat ng mga cargo trucks na nasa tulay kaya ito tuluyang bumigay. (KARLA OROZCO)

About Karla Lorena Orozco

Check Also

Arnell Ignacio OWWA

Health and wellness ng mga OWWA employee tututukan ni Admin Arnell

SHOWBIZ KONEKni Maricris Valdez Nicasio NAKABIBILIB ang concern ni Overseas Workers Welfare Administration (OWWA) Arnell Ignacio hindi …

SAF 44 National Day of Remembrance bulacan

Bulacan cops ginunita ang Fallen SAF 44 sa National Day of Remembrance

PARA sa National Day of Remembrance ng 44 na miyembro ng Special Action Force (SAF), …

Arrest Posas Handcuff

Puganteng rapist at kilabot na kawatan, timbog

Dalawang lalaki na kabilang sa most wanted person sa Bulacan ang magkasunod na naaresto sa …

dead gun

Ika-5 suspek sa pagpatay sa 2 pulis sa Mabalacat, Pampanga, patay sa shootout

ANG ikalimang  suspek at lider ng Flores group na pumatay sa dalawang anti-drug cops ng …

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …