Tuesday , September 27 2022
Creamline Kingwhale PVL Cignal

Creamline  humataw vs Kingwhale Taipei sa PVL Championship

HINDI naigupo ng KingWhale Taipei ang Creamline Cool Smashers nang muling makamit ang kampeonato sa Premier Volleyball League Invitation Conference sa score na 25-21, 25-19, 25-8, nitong Linggo ng gabi, 14 Agosto, sa Mall of Asia Arena.

Matapos ikasa ang kanilang players sa semifinal match-up na nagresulta sa kanilang pagkatalo sa five-set game noong Biyernes, pinangunahan ni Alyssa Valdez, kahit napinsala ng left ankle sprain sa huling laban, kasama sina Tots Carlos at Jema Galanza ang paghahatid sa Cool Smashers sa ikalawa nilang magkasunod na kampeonato ngayong taon, sa larong tumagal ng isang oras at 26 minuto.

Natamo kagabi ng Creamline ang kanilang ikalimang titulo sa pitong finals appearances sa PVL nang magwagi laban sa Taiwanese club team na na-sweep ang apat na laban sa semifinals.

Hindi nagpatinag ang Cool Smashers nang dalhin ni Ced Domingo ang koponan sa match point bago ipinako ni Valdez ang championship-clinching kill sa ikatlong set sa score na 20-5.

Nanguna si Carlos, leading scorer ng conference, sa 14 puntos; habang umambag sina Galanza ng 13 puntos; at Valdez ng siyam na puntos, 13 digs at walong eight excellent receptions.

Nakamit ni Domingo ang kanyang unang Finals MVP award matapos ang apat na blocks na kabilang sa kanyang nagawang 11 puntos.

Nagtala si Jia De Guzman, ang ace setter ng Creamline, ng 19 excellent sets, siyam na digs, at dawalang puntos.

Pahayag ni Creamline head coach Sherwin Meneses, mas marami ang kanilang pahinga kaysa KingWhale at halatang pagod na sila sa ikatlong set bagaman nagpakita rin sila ng magandang depensa.

Dagdag ni Meneses, maganda ang mindset ng Creamline habang nasa finals at kahit naungusan ng KingWhale noong pangalawang set, hindi sumuko ang kanyang mga manlalaro lalo ang bench players na sina Michelle Gumabao at Kyle Negrito.

Samantala, pinangunahan ni Brazillian import Beatriz De Carvalho ang KingWhale na may 12 puntos at siyam na digs.

Nakamit ni Tots Carlos ang kanyang pangalawang Conference MVP at Best Opposite Spiker award, habang itinanghal na Finals MVP si Ced Domingo.

Ginawaran si Alyssa Valdez at Ces Molina (Cgnal) ng Best Outside Spikers; Mika Reyes (PLDT) at Dell Palomata (PLDT) bilang Best Middle Blockers; Liao Yi-Jen (KWT) bilang Best Setter; at Qiu Shi-Qing bilang Best Libero.

Samantala, kinompirma ni PVL President Ricky Palou na ang Creamline Cool Smashers ang kakatawan sa Filipinas sa darating na 2022 Asian Women’s Volleyball Cup (2022 AVC Cup for Women) na gaganapin sa PhilSports Arena sa Pasig simula sa 21 Agosto 2022. (KARLA OROZCO)

About Karla Lorena Orozco

Check Also

Al-Basher Basty Buto Chess

NM Buto naghari sa Angeles rapid chess festival

MANILA — Naitala ni National Master Al-Basher “Basty” Buto ng Cainta, Rizal ang importanteng panalo …

Philracom Horse Race

Paborito si Mommy Caring

MARKADO sina Mommy Caring at Cam From Behind sa magaganap na 2022 PHILRACOM “Sampaguita Stakes …

Rubilen Amit Carlo Biado Johann Chua

Amit, Biado, Chua namayagpag
PH TRIO KAMPEON SA WORLD TEAMS 10-BALL

ni Marlon Bernardino MANILA — Itinanghal na kampeon ang Filipino trio na sina Rubilen Amit, …

Rubilen “Bingkay” Amit

Sa Austria
AMIT, CENTENO NAGPARAMDAM AGAD NG LAKAS 

MANILA, Philippines – Nagparamdam agad ng lakas sina Billiard stars Rubilen Amit at Chezka Centeno …

Rhaki Roj Constantino

Dan Kang kalahok sa Mappa KnightShot 10-Ball Cup

ANG pool player at motorcycle enthusiast na si Dan Kang ay lilipad mula South Korea …