Monday , April 15 2024

PAMANGKIN NG MAYOR TINODAS NG BALA (Sa Zamboanga del Norte)


PATAY ang pamangkin na babae ng alkalde ng bayan ng Sirawai, sa lalawigan ng Zamboanga del Norte, nitong Sabado ng gabi, 7 Mayo.

Kinilala ni P/Maj. Shellame Chang, tagapagsalita ng PNP PRO-9, ang biktimang si Sitti Warna Pawai Sala, 33 anyos, residente sa Brgy. Sirawai Proper at isang ‘job order worker’ ng Sirawai LGU, binaril habang nasa loob ng bahay ng isang kamag-anak sa Sahaya, Brgy. San Vicente, sa naturang bayan, kamakalawa.

Ayon kay Chang, kilalang tagasuporta si Sala ni Aljzar Janihim, anak ni Sirawai, incumbent mayor Gamar Janihim, at tiyuhin ng biktima.

Nabatid nakaupo sa tabi ng bukas na pinto ang biktima nang biglang pumasok ang suspek na naksuot ng uniporme ng pulis saka siya binaril sa ulo.

Natagpuan nina P/Capt. Alexie Palisoc at mga tauhan ng 2nd Zamboanga del Norte PMFC kalaunan ang getaway na motorsiklo ng suspek sa Sitio Maasum, Brgy. San Nicolas kung saan sumemplang.

Ayon kay P/Sgt. Carding Unding, imbestigador ng kaso, dinakip ng pulisya ang suspek na kinilalang si Anhar Tunggal Montong, 24 anyos, residente sa Brgy. San Roque, sa nabanggit na bayan, na dinala sa Sirawai Health Unit para malapatan ng atensiyong medikal.

Nakuha ng mga kagawad ng pulisya ang dalawang kalibre .45 pistola, dalawang magasin, isang magasin para sa 5.56 mm pistol, at sari-saring bala.

Inamin ni Montong, ang krimen at sinabing kasama niya si Saiben Alipon Jakaria, residente sa Brgy. Montivo, bayan ng Sibuco.

About Karla Lorena Orozco

Check Also

Rochelle Pangilinan

Rochelle inamin nakaramdam ng insecurity nang palitan sila ng EB Babes

MA at PAni Rommel Placente SA interview ni Rochelle Pangilinan sa Toni Talks ni Toni Gonzaga, inamin niyang nasaktan sila …

Isko Moreno

Yorme Isko tiniyak ‘di na tatakbo sa halalan 2025

I-FLEXni Jun Nardo SARADO na ngang talaga ang pinto ng politika kay Isko Moreno Domagoso kahit nasa …

COPA Swim Series Leg 3 RMSC Eric Buhain

COPA Swim Series Leg 3 sa RMSC

TULOY ang pagtuklas sa mga bagong talento sa isasagawang National Capital Region (NCR) One For …

Marilag Festival Sta Maria Laguna

Mula 11-14 Abril 2024
IKA-11 MARILAG FESTIVAL SA STA. MARIA, LAGUNA   INAASAHANG DARAYUHIN

TAMPOK ang iba’t ibang produktong agrikultural at iba pang by-products, sa pagdiriwang ng mga taga-Sta. …

Bulacan Police PNP

P240k ilegal na droga kompiskado; 11 pasaway arestado

INILUNSAD ng pulisya sa Bulacan ang pinaigting na operasyon na nagresulta sa pagkakompiska ng ilegal …