COVID-19 positive sa Montalban umakyat sa 71

LOMOBO sa 71 ang kompirmadong kaso ng COVID-19 sa anim na barangay sa bayan ng Montalban, sa lalawigan ng Rizal.

 

Ayon sa datos ng local health office, 32 sa Barangay San Jose, 20 sa Barangay San Isidro, lima sa Barangay San Rafael, siyam sa Barangay Burgos, tatlo sa Barangay Manggahan, at dalawa sa Barangay Balite ang positibo sa naturang sakit.

 

Sa nabanggit na ulat, lima ang bagong mga kaso, 28 ang aktibo, at 38 ang nakarekober na sa pandemya.

 

Samantala, nanatili sa pito ang pumanaw dahil sa COVID-19, habang 20 ang suspected cases, anim ang cleared probable cases, 12 ang probable cases, at 82 cleared suspected cases.

 

Nabatid, lima sa naitalang positibo sa sakit, dalawa ang frontliner na doktor, dalawa ang close contact ng isang pasyente, at isa ang nagtatrabaho sa labas ng naturang bayan.

 

Ayon sa municipal health office, ang mga nabanggit ay kasalukuyang nagpapagaling at tuloy umano ang isinasagawang contact tracing sa kanilang mga nakasalamuha. (EDWIN MORENO)