HATAW! D'yaryo ng Bayan hatawtabloid.com
KAHIT gabi at madilim, hindi naging hadlang upang mainit na salubungin at dumugin ng mga Pasayeños ang night motorcade ni re-electionist Ramon “Bong” Revilla, Jr., sa ilang bahagi ng lungsod ng Pasay.
Dahil dito, hindi binigo ni Revilla ang mga Pasayeños at tagasuporta na naghihintay sa kanya.
Nagkaroon ng pagka-delay sa pagsisimula ng motorcade nang maipit si Revilla sa kanyang pagdalo sa League of Municipalities of the Philippines (LMP).
Lubos na nagpapasalamat si Revilla sa taong bayan sa mainit na pagsalubong sa kanya saan man siyangvdako ng bansa magtungo.
Kasama ni Revilla sa night motorcade ang kanyang kabiyak na si Cavite Rep. Lani Mercado.
Bukod sa taong bayan ay nagpapasalamat din si Revilla sa suportang ipinakita sa kanya ni Pangulong Ferdinand “Bongbong” Marcos, Jr., para sa pagbuo ng isang alyansa para sa Bagong Pilipinas na naglalayon ng pagkakaisa.
Tiniyak ni Revilla sa publiko na sa sandaling siya ay muling pagkatiwalaan ng taong bayan na makabalik sa senado ay doble-dobleng aksiyon ang ipagkakaloob ng kanyang tanggapan sa lahat ng mga mamamayan.
Seneguro ni Revilla na mas lalo siyang gagawa ng mga batas na higit na makatutulong para sa mga mamamayan at sa bayan.
Samantala handa si Revilla na maging hurado sa gagawing impeachmen trial laban kay Vice President Sara Duterte kung mangyari man ito at muli siyang mahalal na senador.
Ngunit tikom ang bibig ni Revilla na magbigay ng komento ukol dito lalo na’t siya ay uupong hukom.
Handang sumunod at irespesto ni Revilla ang mga desisyon ng mayorya sa senado. (NIÑO ACLAN)
