HATAW! D'yaryo ng Bayan hatawtabloid.com
MA at PA
ni Rommel Placente
NAGBIGAY ng reaksiyon si Vic Sotto sa mga naninira sa anak niyang si Vico Sotto, na tatakbo muling mayor ng Pasig.
“Matatalino na ang mga Pasigueño at ang mga botante ngayon. ‘Yung mga style na bulok hindi na uubra rito sa Pasig.
“Alam na ng mga Pasigueño kung ano ang tama, kung ano ang mali. Nakita naman natin ang pagbabago sa pagtakbo ng gobyerno rito,” ang matapang na sabi ni Bosing Vic.
All out ang support ni Bosing Vic kay Mayor Vico at pati na rin ang ina nito na si Coney Reyes.
Sa katunayan, personal pang sinamahan nina Bossing Vic at Coney si Vico nang maghain ito ng certificate of candidacy (CoC) para sa kanyang kandidatura sa 2025 elections.
Ayon sa dating magkarelasyon, walang dapat ikabahala ang publiko sa ikatlong termino ni Vico bilang mayor ng Pasig. Hindi rin sila worried sa paninira sa kanilang anak lalo na ngayong papalapit na ang eleksiyon.
Sabi ni Coney, “I lift everything up to the Lord all the time. I have peace in my heart. My son has peace.
“We know what we are doing. He knows what he is doing so nothing to worry about. God is in control,”dagdag pa niya.
At ang advice ni Bossing Vic sa kanyang anak na si Vico, “Keep up the good work, he is doing a good job. I’m proud of him.”
