EU Ambassador nababahala sa panibagong aksiyon ng China sa West Philippine Sea

NANINIDIGAN ang European Union ng pagsuporta sa International Law at sa mapayapang pagresolba sa mga usapin sa West Philippine Sea (WPS).

Sinabi ni European Union Ambassador Luc Veron, dahil sa mapanganib na maniobra ng barko ng China ay napinsala ang mga barko ng Filipinas at naantala ang maritime operation sa Exclusive Economic Zone (EEZ) ng Filipinas.

Kaugnay nito, ikinabahala ng EU ang panibagong aksiyon ng China sa Rotation and Resupply (RORE) Mission ng Filipinas malapit sa second Thomas shoal.

Binigyan diin ng EU, hindi katanggap-tanggap ang karahasan ng China Coast Guard at Chinese militia vessels sa South China Sea at sa iba pang mga Lugar. (NIÑO ACLAN)