HATAW! D'yaryo ng Bayan hatawtabloid.com
HINDI nagpakabog ang content creator, influencer, at talent manager na si Wilbert Tolentino sa Asoka Makeup Challenge na trending ngayon sa socmed.
Naka-3M views na ang Asoka makeup challenge na version ni Wilbert after one hour, na naka-post sa kanyang FB fanpage na @WilbertTolentino.
Nakatutuwa ang version ni KaFreshness sa Asoka makeup challenge niya lalo’t si Wilbert ang pinaka-unang male celebrity na kinarir ang challenge.
Mayroon ding behind the scene shots si Wilbert kung paano niya na-achieve ang napakaganda at nakaaaliw na video.
Napag-alaman naming 10 hours ang ginugol ni Wilbert para ma-perfect ang kanyang version ng Asoka makeup challenge.
Kasama ni Wilbert ang kanyang anak na si Willard King sa short video na nakadagdag sa pagiging entertaining nito.
“Mahilig kasi sumama sa akin ang anak ko. Sabi niya, gusto niya sumama sa video kaya ayun, nag-collab kami.
“Pero ipinaliwanag ko naman sa anak ko na kaya ako nagme-makeup dahil trabaho lang ito ni Papa bilang content creator,” sabi pa ni Sir Wilbert.
Para sa mga hindi nakaaalam, single parent si Wilbert sa kanyang biological son at ibinubuhos niya ang lahat ng oras at resources para kay Willard King.
Anyway, kaabang-abang din ang nagte-trending na rin ngayon na Piliin mo ang Pilipinas challenge na inihahanda na rin ni KaFreshness Wilbert.
