Hop Icon ng ‘Pinas na si Flow G bahagi na ng Puregold!

HABANG naghahanda na ang mga bigating musikero sa Pilipinas na isuot ang berde at ginto—mga kulay ng Puregold, may bago na namang sasali na talentadong artista sa inaabangang pasabog ng kompanya. Isang hip-hop icon ang lalahok sa Tindahan ni Aling Puring, si Flow G, na naglabas ng teaser kamakailan kasabay ng ang isang Instagram post na nagre-record ang ito habang mayroong nakikitang Puregold bag. Kasama na ang rapper sa kahanga-hangang linya ng mga artista na pinangungunahan ng alternative pop band na SunKissed Lola at ng Pinay girl group na BINI. Layunin sa pagsasanib-puwersa ng mga ito sa Puregold, isusulong nila ang iba-ibang genre ng musikang Pinoy. Kilala si Flow G, o si Archie dela Cruz sa pagsisimula ng bagong era ng Pinoy hip-hop at OPM. Dahil alam niya ang responsibilidad na kasama ng nagawa niyang ito, nais ni Flow G na mas hikayatin pa ang mga Filipino ng pagmamahal sa musikang Pinoy, at nakipagsanib siya sa Puregold para magkuwento ng mga naratibong damang-dama ng mga kapwa-Filipino. Naging makulay ang paglalakbay ni Flow G mula noong sumikat siya, 2010. Pagkatapos magsimula ng kanyang karera, napakaraming mga balakid na dumating, gaya ng mga detraktor, diss track, at iba pang hamon na kasama sa pagnanais na lumikha ng sariling pangalan. Naging matatag si Flow G at narating ng mga kanta niyang RAPSTAR at High Score ang tagumpay. Sa pamamagitan ng kolaborasyon kasama ang Puregold, sabik na ibabahagi ni Flow G ang kanyang kuwentong panalo ng pagpapatuloy para sa pagmamahal sa ginagawa. Inaanyayahan ang mga tagasubaybay nina Flow G, ng BINI, at ng SunKissed Lola na abangan ang mga inihanda nila at ng Puregold.