HATAW! D'yaryo ng Bayan hatawtabloid.com
REALITY BITES
ni Dominic Rea
MUKHANG walang pinagdaanan ang pinakasikat na tambalang KathNiel. Mukhang sa closure ng episode ng pagmamahalan ng dalawa ay happiness pa rin ang nanaig kahit wala na sila officially.
Tila good sport ang nangyari dahil sa katatapos na Christmas special ng ABS-CBN na ginanap sa Araneta ay hindi lang ang KathNiel ang namayagpag at nagpadagundong sa Araneta kundi ang paglipana rin ng supporters nilang magpahanggang ngayon ay umaasa na one day or someday ay magkakaroon din ng maganda at masayang tunog ang kanilang musika.
Sa naging number kasi ng dalawa habang kumakanta ay mukhang gow na gow na ang dalawa at tapos na ang isyu at masaya na sila sa kung anumang naging desisyon nila.
Happy together nga ang dalawa at marami nga ang muling kinilig na fans and followers ng KathNiel.
Well, aasa tayong sana ay muling magbalik ang pintig ng kanilang puso sa tamang panahon at takdang araw.
