HATAW! D'yaryo ng Bayan hatawtabloid.com
SHOUT OUTsa lahat ng manonood ng pinakabagong kinababaliwan mula sa Puregold Channel:ang My Plantito! Maghanda sa isang hapon na puno ng kilig at pagkasabik sa My Plantito Fan Meet, na gaganapin sa Setyembre 16, 4:00 p.m., sa Puregold QI Central Store.
NAIIBA ang fan meet na ito na magbibigay-pagkakataon sa mga tagasunod ng My Plantito na makilala at makasama ang mga artista nito na mayroong mga palaro, na ang mananalo ay magkakamit ng eksklusibong mga premyo at makatatanggap ng mga freebie.
Isang linggo pa lamang ipinalalabas ang My Plantito subalit nabingwit na nito ang puso ng mga netizen dahil sa kombinasyon ng romansa, komedya, at saya. Itinatampok ang kagiliw-giliw na si Kych Minemoto bilang Charlie at ang misteryosong si Michael Ver bilang ang Plantito na si Miko, naging sikat na sa Tiktok ang serye, at bawat episode ay nakalikom na ng mahigit sa milyong views.
Walang duda na gustong-gusto ng mga fan ang matatag na chemistry ng BL (Boy-Love), na kinikilala pa lamang ang isa’t isa. Dahil namangha sa naratibo ng kuwento at ang pag-arte ng mga kalahok na bida, kinasasabikan na ng mga manonood ang kauna-unahang fan meet na maaaring makasalamuha ang mga bidang sina Kych at Michael, at ang iba pang miyembro ng cast na sina Ghaello Salva, Elora Espano, Devi Descartin, at Derrick Lauchengco.
Sa gabay ng producer na si Chris Cahilig at direktor na si Lemuel Lorca tiyak marami pang nakatutuwang handog ang serye sa susunod nitong mga episode.
Habang nag-aabang, huwag palampasin ang pagkakataong makikonekta sa kapwa-fan at ipagdiwang ang maagang tagumpay ng My Plantito. Makisaya sa hapon ng tawa at hindi malilimutang mga kaganapan.
