HATAW! D'yaryo ng Bayan hatawtabloid.com
HUMANDA na sa kakaibang rollercoaster ride ng tawa, kilig, at nakatutunaw ng puso na mga kaganapan, sa pagsisimula ng pinakabagong Tiktok serye ng Puregold Channel, My Plantito, sa Agosto 23.
Magsisimula ang kuwento sa unang pagkikita ng isang tahimik at tila mahiyaing lalaki na mahal na mahal ang kanyang mga halaman at isang kalog na vlogger-next-door na agad na mabibighani sa plantito.
Maghanda na sa bagong hatid ng Puregold Channel, na kilala na sa paglikha ng mga romcom serye na nagpapakita ng pagkakaibigan, pamilya, at siyempre kilig.
Ang kauna-unahang Boy-Love (BL) na serye sa Tiktok, My Plantito, nakapila na para maging susunod na hit na produksiyon ng Puregold Channel–at hindi na nga nakapagtataka. Binibigyan ng palabas ang mga manonood sa kung paanong ang simpleng pagtatagpo ng dalawang tauhan ay maaaring maging malalim na koneksiyon na tama ang timing at itinadhana ang pag-ibig.
Tampok sa palabas si Kych Minemoto bilang Charlie, isang vlogger at si Michael Ver biglang guwapong plantito. Pareho nilang patutunayan na ang pag-ibig ay hindi lamang pagtingin at nakakikilig na romansa–kasama rito ang pagtuklas ng sarili, paglubog sa mga isyu ng pagtanggap at pagiging inklusibo, at pagtuklas ng pagmamahal na nagnanais lumaya.
Sabi nga ni Ivy Hayagan-Piedad, Marketing Senior Manager ng Puregold, higit sa entertainment ang hatid ng My Plantito. “Tungkol ito sa pag-unawa at pakikipamuhay. Hindi lang ito love story; nagbibigay ito ng makabuluhang aral, at ang nakabibighaning kaguluhan na nililikha ng pag-ibig.”
Tulad sa nakaraang digital na serye, ang mahika sa paglikha ng My Plantito ay hatid ng direktor na si Lemuel Lorca at ng producer na si Chris Cahilig. Ibibigay din ng mga artistang sina Ghaello Salva, Elora Espano, Derrick Lauchengco, at Devi Descartin ang abot ng makakaya nila sa seryeng ito.
Kaya markahan na ang inyong mga kalendaryo para sa Agosto 23. Ipalalabas ang My Plantito, eksklusibo sa Tiktok at YouTube Channel ng Puregold.
Bilang pasilip, maaaring panoorin ang opisyal na trailer sa link na ito: https://vt.tiktok.com/ZSLbN2wNa/.
