HATAW! D'yaryo ng Bayan hatawtabloid.com
ni Allan Sancon
TALAGANG tuloy-tuloy na ang pagpapalabas ng mga magaganda at dekalidad na Original Series ng Viva One matapos ang tagumpay na teen series na The Rain In España. Sinundan pa ito ng suspense-drama-thriller na Deadly Love.
Ngayon ay isa na namang love story drama series ang handog ng Viva One na pinamagatang Kung Hindi Lang Tayo Sumuko, na pinagbibidahan ng mga magagaling na actors in their generation na sina Jerome Ponce, Rhen Escano, Ryza Cenon, Kiko Estrada, Coleen Garcia, at Carlo Aquino.
Hango ito sa best selling author ng mga librong Para sa Hopeless Romantic at “
Para sa Broken Hearted na si Marcelo Santos III.
Sa katatapos na press conference ng nasabing series ay pabirong ibinuko ni Ryza Cenon na may nabubuong bagyo at tunay na pag-iibigan kina Jerome at Rhen. Maging sila ay kinikikig sa mga eksena ng dalawa.
Dahil pareho naman silang single natanong si Jerome kung posible ba siyang ma-in love kay Rhen?
“Yes!” mabilis na sagot ni Jerome.
Nang si Rhen naman ang tanungin ay sumagot ito ng, “Natatakot kasi ako, dahil sa dami ng pinagdaanan ko sa aking nga past relationship natatakot akong lokohin uli.”
Honest naman sa kanya si Jerome na kadalasan ang aktor pa ang nang-iiwan sa kanyang girlfriend.
Abangan ang limited series na ito ng Viva One na mag-iiwan ng sakit at kirot sa puso at tuturuan ang mga manonood kung paano mapamahal at magbigay ng ilang ulit na pagkakataon. This is directed by Carlo Enciso Catu. Kung Hindi Lang Tayo Sumuko, streaming exclusively sa Viva One simula sa August 21, 2023.
