HATAW! D'yaryo ng Bayan hatawtabloid.com
ni Allan Sancon
Sobrang blessed at honored si Joshua Garcia na isa siya sa mga Kapamilya na naging bahagi ng unang collaboration ng ABS-CBN at GMA 7 para sa isang teleserye ng VIU, ang Unbreak My Heart. Masaya siyang makatrabaho ang Kapuso na si Gabbi Garcia.
Biniro tuloy siya ng ilang press kung kamag-anak nya ba si Gabbi dahil pareho sila ng apelyido.
“Hindi, kasi Lopez talaga ang apelyido niya. Ang weird naman kung Gabriela Lopez ang gagamitin niya. Kaya Gabbi Garcia na lang daw ang ginamit nya,” sabi ni Joshua nang makausap namin ito sa isinagawang mediacon ng Unbreak My Heart na pinagbibidahan nilang tatlo nina Jodi Sta Maria, Gabbi kasama si Richard Yap.
Pinag-usapan din ang kissing niya with Jodi at Gabbi sa series kung ano ba ang pinagkaiba ng halik niya sa dalawa?
“Magkaiba ‘yung atake sa dalawa. With Jodi mas passionate, mas mabagal at mas ramdam. With Gabbi naman, passionate din naman pero ‘yung tugma naman sa edad namin pero may diin ng kaunti,” esplika ni Joshua.
Naurirat din namin ang reaksiyon ni Joshua sa balitang tumawag si Gabbi kay Julia Barretto para magpaalam na magkakatrabaho sila ng binata.
“Napanood at nakita ko ‘yun, hindi ko alam ‘yung napag-usapan nila. It’s between them,” sagot nito.
Ukol naman sa napapabalitang pagpapakasal ni Julia kay Gerald Anderson, sinabi ni Joshua na, “Hindi ko alam, bago sa akin ‘yan at ngayon ko lang narinig. Pero kung saan sila masaya, support ako roon. Medyo matagal-tagal na rin kaming ‘di nagkakausap ni Julia dahil busy na kami sa kanya-kanya naming project. Pero kung may opportunity na magkatrabaho uli kami. Why not?”
Mapapanood ang romantic-drama series simula May 29 sa GMA Telebabad, Pinoy Hits, at I Heart Movies, 9:35 p.m., Lunes-Biyernes, 11:25 p.m. sa GTV, at available rin ito sa GMA Pinoy TV at TFC. Ii-stream din ito 48 hours bago ang TV broadcast sa Pilipinas sa GMANetwork.com at iWantTFC at sa 16 territories sa labas ng Pilipinas sa pamamagitan ng Viu simula Mayo 27.
