HATAW! D'yaryo ng Bayan hatawtabloid.com
ALAM MO NA!
ni Nonie Nicasio
NAGINg matagumpay ang ginanap na premiere showing ng pelikulang Doll Father ni Direk James Merquise na ginanap sa Cinemateque ng FDCP last April 25, 2023.
Present sa nasabng event ang pangunahing tauhan ng pelikula na sina Lino Mallari na bida rito, at ng teen actresses na sina Alexa Cruz and Brianna Esguerra. Nandoon din ang newcomers na sina Marc Tablizo at John Mella.
Labis naman ang kagalakan ni Direk James sa resulta ng premiere ng Doll Father na mula sa AAGS Movie Production.
Pahayag ni Direk James, “Nakakatuwa po kasi nadala ng pelikula namin ang mga audience, marami ang naluha habang nanonood ng pelikula.”
Ang Doll Father ay ukol sa isang bading na ama na si John na nag-ampon sa dalawang batang babae, sina Alexa at Brianna. Na matapos ang maraming taon ay nagpakitang muli at gustong bawiin ang kanyang dalawang anak.
Dumalo din sa premiere ng pelikula ang direktor ng Viva na si Carlo Alvarez at CEO ng Rad App. Si Ms. Angie Montero na movie producer ng Bakas ni Yamashita 2022 ay nanood din dito with son na si Alfred Montero. Pati na ang CEO ng Piko App na si Nel Talavera at nagbigay ng Piko Awards.
Nakita rin sa FDCP Cinemateque ang nagbabalik showbiz na si Harold Montano, na isa sa bida sa forthcoming movie ni Direk James this year na pinamagatang Kamao Ng Kidlat 2023. Makakasama nila sa movie ang mga bagong talents ni Direk James na sina Miekyla De Guzman, Gericka Daza at Raymond Gravador.
