Jona excited na maging hurado sa TNT

EXCITED at kinakabahan ang magaling na singer na si Jona ngayong parte na siya ng mga hurado sa Tawag ng Tanghalan (TNT) ng It’s Showtime.

“Maraming, maraming salamat po sa napakamainit na pag-welcome sa akin dito sa ‘It’s Showtime’ bilang pinakabagong hurado ng Tawag ng Tanghalan. Maraming, maraming salamat po ‘Showtime’ family and sa lahat po nang sumuporta. Thank you,” anang OPM singer matapos nitong mag-perform at kantahin ang Tinatapos Ko Na, Maghihintay Ako, at ‘Til the End of Time kasama ang mga TNT quarterfinalists.

Humanga rin si Jona sa mga contender at sinabing, “Excited ako at saka kinakabahan. Excited ang saya-saya. Kanina noong nagre-rehearse kami ang ganda ng prod, parang pang-grand finals na ‘yung ginawa namin ng contenders. Ang gagaling.”