GMA Telebabad punumpuno ng action gabi-gabi

RATED R
ni Rommel Gonzales

PAINIT nang painit ang bakbakan para makuha ang mga makapangyarihang hiyas sa Mga Lihim ni Urduja.

Nitong Lunes (March 20), napanood ng mga Kapuso ang makapigil-hiningang paghaharap ng bounty hunters at ang isa sa mga itinakda ni Hara Urduja (Sanya Lopez) na si Gem (Kylie Padilla).

Bukod sa kakaibang kuwento ng serye, puring-puri rin ng viewers ang good looks, fit bodies, at husay sa action scenes ng cast. Komento ng ilan sa GMA Drama Facebook page, “Ang astig ng mga character! Very exciting! Halatang nag-e-enjoy sila sa ginagawa nila. Maganda at may matututunan ang mga bata at matatanda.”

Samantala, ipinasilip na rin sa show ang buhay ni Iris Dayanghirang (Sunshine Dizon). Ano nga ba ang itinatago ng misteryosong ina nina Gem, Crystal (Gabbi Garcia), at Onyx (Vin Abrenica)?

Subaybayan ang mas tumitinding mga eksena sa Mga Lihim ni Urduja, Lunes hanggang Biyernes, 8:00 p.m. sa GMA Telebabad, Pinoy Hits, at I Heart Movies. Mapapanood din ‘yan tuwing 9:40 p.m. sa GTV.